PAPUA Niugini Edukesen Minista Jimmy Uguro i givim luksave i go long olgeta tisa insait long kantri na tok amamas long impoten wok bilong ol insait long ol komyuniti.

Minista Uguro long toktok bilong em long Wol Tisa De long Tunde, i luksave long wok na as bilong wok long kamap bilong divelopmen bilong ol sumatin na komyuniti. “Wok bilong mipela insait long edukesen em i bikpela samting bikos wantaim gutpela save, dispela bai daunim hevi bilong poveti na strongim ikonomik bilong kantri,” Minista Uguro i tok. Edukesen em i bikpela samting olgeta manmeri i mas gat rait long kisim. Olgeta pikinini man na pikinini meri i gat rait long kisim gutpela edukesen long helpim ol long gat gutpela sindaun

long bihain taim. Wol Tisa De i save kamap long wan wan yia long 5 Oktoba long amamasim ol tisa long olgeta hap bilong wol. Long tingting bilong United Nation Education, Scientific and Culture Organisation (UNESCO), Wol Tisa De em i makim hatwok na luksave long bikpela wok ol tisa i mekim. Minista Uguro i tok Gavman i save olsem edukesen i namba wan samting long laip na olsem em i laik lukim i nogat wanpela pikinini bai stap baksait. Ol tisa i mekim bikpela wok long komyuniti. “Ol tisa em ol lain husat bai gim save long ol yangpela manmeri insait long komyuniti, husat bai tanim na kamap ol lida bilong bihain taim i kam na wokim wok bilong divelopim kantri,” Uguro i tok.

 “Ol tisa i skulim ol pikinini taim ol i yangpela na dispela save bai stap wantaim ol. Tisa em ol trupela lain bilong kamapim nesen. Ol i givim save long ol pikinini long lukim bihain taim bilong ol i stap gut na olsem ol i stap long ol gutpela ples.” Uguro i tok trening na divelopmen bilong ol tisa i mas go yet olsem namba wan wok bilong gavman.

Papua Nuigini i yet gat 65,000 tisa. taim mak bilong go isi long skul, mipela bai save i gat inap ol gutpela tisa, ol i tren long ol narapela fil, long inapim laik bilong ol samting ol sumatin i nidimn,” Uguro i tok. “Dispela i min givim gutpela kwaliti trening long ol sumatin insait long ol Tisa Koles na skulim ol long gutpela rot bilong wok na save ol i kisim long klasrum.”