KIMBE Praimeri Skul long Sentral Nakanai Lokal Level Gavman (LLG) bilong Wes Nu Briten Provins i bin holim su Peraid bilong en long las wik Fraide 27 Ogas 2021.

Silanga Paimeri Skul em wanpela Katolik Ejensi skul namel long olgeta i bin holim gut su Peraid bilong ol. Dispela bung selebresen

i bin pulim ai bilong planti pipel husat i stap klostu long viles na ol arapela long kamap joinim grup na selebret wantaim long Silanga Praimeri Skul graun. Ol i bin statim dispela program wantaim Yukaris Selebresen na mein selebren em Pater Anthony long Paris Chapel wantaim olgeta sumatin, tisa, papamama na ol stekholda.

Ol ogenaisim ol sumatin go insait long wan wan viles grup bilong ol, Gigolo, Babata, Kotou, Luge, Loa, Gaekeke, Kisiluvi-Linggite na Sabahami viles grup long soim keis yunifom bilong ol beis long dispela het tok “STANDARDISED UNIFORMS PROMOTES BETTER EDUCATION” o (Wanpela kain yunifom i promotim gutpela edukesen).

Ol sumatin i bin sanap long wan wan viles grup lain bilong ol long singsing Nesenel Antem na Pleds bihainim het meri bilong skul Juliachim Saroa. Olgeta pipel long dispela hap husat i bin sanap long lek na lukim ol wan wan viles grup go antap presentim bilas bilong ol long stej wantaim kain kain ektiviti na pefomens danis bilong ol sumatin i bin mekim olgeta

lain amamas inap 120 minit presentesen taim. Mista Pilato husat i bin makim jas bilong Uasilau Praimeri Skul i bin tokaut long hau em pilim long dispela su Peraid na askim olgeta skul long Cenaka LLG i mas mekim wankain bung na kisim go long bod long promotim gutpela kwaliti edukesen. Autstending projek fi i bin givim gutpela piksa bilong

dispela de we ol sumatin i bin presentim long skul bihain long pefomim stail bilong ol. Tresera bilong Bod Menesmen Mista Billy Una i bin tokim ol papamama na was papamama bilong ol sumatin olsem ol bai presentim ol ripot long ol papamama, sitisen na ol bod bung bihain long ol pinisim olgeta samting wantaim.

Damien Dimir i raitim