LIMANA Vokesenel Senta o TVET skul i bin opim 50 Jubili yia bilong ol na selebretim wantaim Holi Yukaris Misa long Tunde 31 Ogas 2021.

Dispela lausing Misa bilong Jubili selebresen i bin bungim olgeta spesel pipel na kongrigesen bilong Katolik sios wantaim ol sumatin bilong TVET na ol tisa tu long selebret wantaim olsem wanpela famili aninit long ke bilong holi mama Our Lady ov Sacred Heart (OLSH). Mein selebren bilong dispela spesel Jubili Misa bilong Limana skul i bin Pater Michael Ploszczy.A SVD bilong St Peter Chanel Paris Erima. OLSH Provinsal lida Sr Relida Gumur i tok,” Mipela statim wokabaut bilong laip na skul na redi long neks yia bikpela selebresen bihain long lonsim dispela 50 yia

Jubili. “Long neks yia taim mipela selebretim 50 yia Jubili bilong Limana Vokesenel Skul aninit long OLSH na askim mipela yet wanem samting mipela lainim long dispela skul,” Sr Relida i tok. Sr Maria Goretti Leison bilong Limana Vokesenel Senta i tokaut klia olsem ol bai dabolim namba neks yia bikos Karikulum i senis nae m muv fowat long haia setifiket tasol ol sumatin tenkyu long makim Limana long kam lon skul. Sr Goretti i bin givim bek graun histori olsem long 2003, faivpela man sumatin tasol i bin kam long Limana skul na pefom gut tasol long nau Limana i gat 100 pesen man na 100 pesen meri long skul na neks yia bai planti moa namba long skul. Long 1961 dispela skul i bin stat olsem Vokesenel Senta bilong ol meri tasol nau em i gro na kisim ol man

sumatin tu. Limana skul i bin stat long Boroko, na go long Loreto long 5 mile  na taim namba bilong ol meri i go antap ol surukim kam long Limana long eduketim ol yangpela meri. Em i tok nau skul em i no vokesenel trening o tumbuna na vokesenel trening tasol e mi ranim ol kos long haia setifiket. “Tupela wik i go pinis ol Karikulum opisa i bin go long FINCORP opis long givim neks haia setifiket, stat long 8-9, 9-12 na go het long Yunivesiti olsem na mipela hatwok long divelopim olgeta sumatin long go het wantaim edukesen na kisim gol bilong ol,” Sr Goretti i tok. “Ol arapela vokesenel skul i save senis tasol Limana i save trenim ol yangpela pipel long kisim ful talen na skil long 3-mun, wanpela yia o 6 mun na kisim wok bihain,” em i tok.

Jacklyn Kimala i raitim