MOROBE Provinsal Edukesen edvaisa Mista Kieth Tangui i bin tokaut olsem olgeta skul insait long Morobe provins i nidim planti nupela skul samting bilong ol pikinini na tisa long taim bilong skul.

Mista Tangui i bin askim dipatmen bilong edukesen long ol i mas luksave na givim ol nupela saplai long wan wan skul insait long provins husat i nidim sapot bilong surukim dispela Standet Karikulum Beis edukesen long provins. Em i tok Standet Beis Karikulum i mas kamap bihain long kisim trening olsem na dipatmen i mas lukluk hariap long givim saplai long ol skul bai ol kamapim gutpela skul plen we i ken bringim moa sevis i

go long ol taim ol nidim. Tangui i tok olgeta skul long provins i mas kamap wantaim skul plen pastaim long kisim ol nupela skul samting bihain long dispela tu bringim olgeta implementesen program bilong Standet Beis Karikulum long praimeri na elementri skul i go long opis hariap long kisim luksave. Long Morobe provins ol i bihainim polisi na sistem bilong 3 6 6 tru long ripom sistem we Morobe Gavman Nesenel Gavman strongim pinis long taim. Em i tok wok bilong 3 6 6 em go het na karim kaikai bilong em bai kam aut long 2022 long olgeta skul,” Tangui i tok. Nau yet ol skul wetim ol saplai stap na long wankain taim tu ful Standet Beis Karikulum Lesen Plen i mas go long Opis bilong Edvaisa.

Paulus Tali i raitim