UNITED Nations Population Fund (UNFPA), European Union (EU) na University bilong Papua New Guinea (UPNG) i wok bung long kamapim namba wan dibet bilong ol toktok i wok long kamap long ol yangpela man na meri. Dispela namba wan dibet i kamap insait long UPNG long las wik Fraide.

Rene’Mally Charge’d’afffairs husat i wok wantaim EU, Residen Kodineta  bilong EU long PNG Dirk Wagener, Vais Sensela bilong UPNG Profesa Frank Griffin wantaim ol sampela sumatin na ol arapela ognaisesen olsem National Youth Development Authority  tu i  bin go long dispela bung.

Planti bilong ol yut husat i go long dispela ivent i bin i gat sans long toktok long dispela dibet. Nogat tupela grup i bin toktok tasol olgeta manmeri husat i go i bin i gat sans lo toktok long wanme ol i ting inap kamap long ol yut bilong PNG. Prof Griffin i tok amamas long ol wok UNFPA i mekim long helpim ol yu. Mi amamas long dispela het tok bilong dibet “Wok bung i gat mining wantaim yut: Yumi mekim inap? Na tu dispela iventi i kamap long intanesenel de bilong ol yut. Dispela dibet i mas soim sampela wok ol yangpela i save mekim gut na sampela salens ol i save bungim. Rene’Mally i tok, “Dispela  em i namba wan dibet bilong painimaut

wanm ol hap ol yut i nidim helpim long sait bilong mekim ol disisen bilong kantri na ol arapela bikpela toktok.” Namba bilong ol yut long PNG em i bikpela tru tasol ol i no save mekim wanpela disisen long helpim. Planti taim ol narapela lain i save mekim ol disisen long bihain bilong ol yut. Ol i mas kisim tingting bilong ol yangpela manmeri long taim bilong mekim ol disisen, em i tok. Mausman bilong Nesenel yut development David Aoneka Rupa  i tok, “Nogat wanpela man o meri is tap insait long Nesenel Gavman long makim maus bilong yut bilong PNG. Dispela i soim olsem ol yut i no stap insait long taim bilong mekim disisen bilong kantri.

Samantha Solomon i raitim