BSP Life PNG Limited i bin givim ol nupela komyuta ikwipmen long St Lwanga Sekenderi Skul long Tunde 12 Julai, 2021, Pot Mosbi.

Dispela ol nupela ikwipmen bai apim akedemik pefomens bilong ol yangpela bilong kantri long bihain taim na tu bai helpim ol long kisim gutpela infomesen long fri-e-learning samting long sapotim save na skil bilong ol sumatin.

St Charles Lwanga Sekenderi Skul em wanpela bilong ol top pefomens skul long PNG, na i gat hai mak long las 7-pela yia long topim ol Gret 10 Nesenel Eksam na i bin wanpela top 5 pefoming skul long 2020 Gret 12 Nesenel Eksam.

Long dispela yia, BSP Life PNG i gat sabsidi bilong BSP Financial Group Limited (BSP) tim i bin patna wantaim NiuNet PNG. Ol bin putim 4-pela nupela komyuta i gat e-laibri bilong ol sumatin wantaim 223 buk bilong Laibri na sampela spot bal bilong ol sumatin long St Charles Lwanga olsem hap komyuniti projek bilong BSP long olgeta yia inap nau 2021.

Kantri Menesa bilong BSP life PNG Limited Nilson Singh i tok, “long BSP Life PNG Limited, mipela bin laik long fokas long edukesen olsem hap komyuniti projek wok bilong dispela yia.

Olsem na ol i bin go givim dispela projek long St Charles Lwanga skul long makim namba tu komyuniti projek wok bilong ol bisnis i go long ol komyuniti.

“Edukesen em wanpela bilong ol bikpela invesmen kantri i ken mekim long bihaintaim na hap bilong ol stat long ol skul, long klasrum na laibri. Ol laibri bilong skul i save givim sans long ol sumatin long tingting, kamapim, serim na groim.

Astingting bilong dispela projek em long givim moa sapot na bungim ol wokmanmeri bilong skul wantaim ol sumatin long yusim gut na gro wantaim teknoloji olgeta yia,” Singh i tok.

Deputi Prinsipal bilong St Charles Lwanga Sekenderi Skul Francesca Mukia i tok tenkyu long BSP long dispela bikpela sapot projek we bai sapotim plen bilong skul long muv fowat wantaim.

“Ol sumatin na tisa bilong mipela i save wok hat long soim dispela kala long Nesenel Eksam, na dispela donesen em narapela rot fowat long rait daireksen bilong skul. Mipela save serim liklik risos, tasol wantaim dispela ol ikwipmen bai mipela lukautim gut bilong bihaintaim jeneresen bilong dispela skul.” Muki i tok.

Dispela yia NSP bai givim 52 komyuniti projek long olgeta hap bilong Papua Niugini wantaim wan wan K30, 000 mani na dispela bai kam long wan wan BSP brens, sab brens na Stretejik Bisnis Yunit long olgeta hap. Namel long dispela 52 projek plen, ol bin givim ol 16-pela projek pinis long ol komyuniti long mak bilong K480,000.