LONG stat bilong dispela mun Morobe Gavana Ginson Saonu i bin go lukim nupela tisa trening koles bilong ol early childhood long Helsbach, Finschaffen, Morobe Provins.

Gavana Saonu i witnesim rejistresen na enrolmen bilong 570 sumatin husat bai i statim skul dispela yia.

Long toktok bilong em Gavana Saonu i tokim ol painia sumatin olsem long kamap tisa ol i mas kamap gutpela lida na i mas soim gutpela pasin.

Ol i mas bihainim faivpela stia;

1. Olgeta pikinini mas lainim tok Inglis
2. Olgeta pikinini mas kisim gut save
3. Olgeta pikinini i mas gat gutpela helt
4. Olgeta pikinini i mas bihainim Kristen prinsipel na
5. Olgeta pikinini i mas gro insait long pasin Kristen long skul na long ol komyuniti bilong ol.

Bikpela samting em olgeta pikinini i mas lainim gut tok bilong God na ol i mas sanap antap long dispela tok.

Ol sumatin husat i rejister i kam long olgeta distrik bilong Morobe Provins.

Paulus Tali i raitim