Papua Niugini i nau gat rekot bilong 4-pela dai long COVID-19 na i apim namba bilong ol dai i kamap long COVID-19 i go antap 191.

Olgeta dispela 4-pela dai i kamap long Westen Hailans Provins.

Long wankain taim, 48 nupela rekot bilong COVID-19 i kamap long sevenpela provins we i apim namba bilong ol COVID-19 keis i go 17, 515.

Niu Ailan Provins i ripotim 31 bilong ol dispela 48 COVID-19 keis. Enga i ripotim sikispela, Nesenel Kepital Distrik i ripotim faivpela, Is Sepik ripotim tupela, Jiwaka ripotim tupela keis na Milen Be na Isten Hailans i ripotim wan wan tasol.

Long dispela 48 keis, ol 40 em ol man na etpela e mol meri. Na krismas bilong ol is tap namel long 26 na 65.

Long 48, twenti foa i bin soim sain bilong COVID-19 long taim bilong kisim test na tripela i gat arapela sik bipo. Foapela bilong ol i bin pas wantaim ol lain i gat COVID-19 na tupela e mol helt woka.