Sapos mi snis em min olsem mi gat coronavirus?

Ol dokta bilong Nesenel Helt Sevis (NHS) long Inglen i tok snis em i no sain bilong coronavirus. Tasol saspos yu gat fiva, kus, o i no inap smelim samting o kisim teist bilong kaikai orait yu ken go kisim tes.

Taim yu snis, nus wara i save kam aut. Dispela ol nus wara i ken karim ol kainkain binatang we i ken kalap I go long ol arapela na mekim ol i sik. Olsem na ol dokta i tok taim yu snis, yu mas snis i go insait long hanskru bilong yu o long tisu na bihain putim tisu long rabis basket o dram. Na tu yu mas wasim han bihain long yu holim tisu i gat snis nus wara long en.

Wasim han gut wantaim sop o sapos yu gat han sanitaisa wasim long en.

Long pasim snis long kalap long ol arapela ol dokta i tok tu olsem yumi mas werim pes mask olgeta taim, taim yumi stap long ples planti pipel I bung long en.

Na tu werim mas gut na karamapim nus.