CONSTITUTIONAL and Law Reform Commission (CLRC) i tokaut long tupela nupela komisina bilong mekim en aste Trinde Julai 14 long Pot Mosbi.

CLRC i makim Not Bogenvil memba William Nakin na wanpela tisa bilong University bilong Papua New Guinea (UPNG) Dokta Dora Dau KUIR-AYIUS long kamap komisina bilong ol.

Senia Mejistret Gerry Unjo i mekim edmisen bilong tupela nupela komisina long Pot Mosbi insait long Paragon Building we opis bilong CLRC i stap long en.

Senia Mejistret Gerry Unjo, memba bilong oposisen Dokta Allan Marat, sekreteri bilong CLRC Dokta Mange Matui na ol narapela Komisina na memba bilong CLRC i bung long dispela liklik seremoni.

Siaman bilong CLRC Kevin Isifu  i tok amamas na welkam long tupela komisina long kamap memba bilong mekim lo bilong kantri. “CLRC i amamas long wok wantaim tupela na namba bilong ol komisina i sanap olsem 6”,Kevin Isifu i tok.

Nau em i namabwan taim tru wanpela memba bilong gavman bai i stap olsem wanpela komisina na i bai i gat debet long mekim ol lo bai mipela i mekim, Kevin Isifu i tok.

Dokta Dora Dau i tok em i save laik tru long wok wantaim ol  lain i stap insait long ol disisen ol mekim bilong kantri. Na tu em i save gat strongpela tingting long mekim wok painimaut pastaim na bihain toktok.

William Nakin i tok em i amamas long wok wantaim CLRC na em bai mekim wok wantaim strong bilong em. “Mi bai joinim Siaman long mekim sua olsem ol lo bilong kantri i gat mining,” Nakin i tok.

 Em i tok bikpela tenkyu i go long siaman na ol komisina husat i bin stap pastaim long dispela wok.

Samantha Solomon i raitim