MINISTA bilong Haia Edukesen Risets Sains, Teknoloji na Spot Wesley Raminai i bin tok olsem Institute of Business Studies (IBS) i mas rejista olsem praivet yunivesiti long PNG aninit long seksen 117, sab-seksen 4, bilong Haia Edukesen (Jeneral Provisen) Ekt 2014.

Minista Raminai i bin mekim dispela tok long namba wan greduesen bilong IBS institut long Eriama bihain long Nesenel Haia na Teknikol Edukesen Bod (NHTEB) i bin tok orait long Jun 5, 2021.

“Mi laik tokaut long fomal rejistresen NEC, olsem IBS institut bai nau redi na presentim Bil ov Ekt long makim olsem praivet yunivesiti aninit long Minista Haia Edukesen, Risets, Sains na Teknoloji (MHERST) na pasim long Palamen,” Raminai i tok.

Dispela em bikpela histori long kalenda bilong IBS institut long lukim Minista bilong Haia Edukesen Riset, Sains na Teknoloji Wesley Raminai i bin kamap long lukim namba wan Greduesen bilong ol.

Em i tok IBS institut bai kisim sapot long HELP program na bai kisim helpim aninit long DHERST Opis long fesilitatim olgeta rikwaimen.

Dispela rifom i ken muv long bung wantaim na menesim edukesen na helt sekta na trening long serim visen na ol gol bilong Visen 2050.

“Mi bin sainim leta i go long Praim Minista James Marape long pasim IBS Lo long Palamen,” Raminai i tok.

Jacklyn Kimala i raitim