MINISTA bilong Pablik Sevis Joe Sungi i tok planti wok i stap yet long strongim wok bilong ol pablik seven. Mista Sungi i mekim dispel tok long namba 3 Greduesen bilong PILAG

Bihain long dispela greduesen bai olgeta 467 greduet i go bek long wan wan wok bilong ol. Sampela bai go long nupela posisen tasol ol i mas sevim ol pipel na givim gutpela sevis long kantri wan wan dispatmen bilong ol.

“Wanpela bikpela samting mi laik tok moa long en em wok bilong Human Risos na Human na Fainens  Dispela em tupela impoten risos we menesa na supavaisa i mas menesim long olgeta ogenaisesen,” Minista Sungi i tok.

Em i tok wok bilong human risos i mas kam namba wan bikos dispela em man husat i yusim mani na wok bilong HR i mas ran wantaim trupela pasin, rispek na bihainim polisi bilong oganaisesen.

Long las yia ol Nesenel Ekseketiv Kaunsil i bin tok orait long ‘Reinfosmen Strateji long Pablik Sekta Wokfos Pemfomens Kepasiti.

Em i tok dispela polisi bai go wantaim Dipatmen ov Pesonel Menesmen long-tem plen HRDSP 2020-2025.

“Planti taim ol wok manmeri i save go bek long wok long apim skil tasol ol i no yusim wanem samting ol bin lainim. Dispela em kepasiti bilding na mi salensim olgeta long yusim dispel long ples bilong wok,” Minista Sungi i tok.