Equal Playing Field i bin lonsim namba wan yut lidasip samit long las wik.

Dispela samit program i bai statim wantaim 25 yut bilong tripela provins tasol em long Morobe, 7-pela yut, Westen Hailens Provins 6 na NCD 12 bihain long luk fowat long ol arapela provins long kantri.

Ol i bin opim Equal Playing Field aninit long spot lait inisietiv bilong EU wantaim 6-pela pilai i we wanpela pila i em privensen bilong dispela kantri bihain taim.

Kantri program menesa bilong Equal Playing Field Lucy Tia i tok dispela samit plen em long kamapim ples bilong ol yanpela man na meri i long kisim na serim tingting, infomesen wantaim long strongim program bilong ol.

Em i tok ol yut grup i gat risos na save long skil tasol ol nidim trening long helpim ol bildim strongpela wok bilong ol long mekim moa long yusim wanem ol i gat pinis long en.

Trish Toua husat i bin go pas na pait long Jenda Beis Vailens long kantri i tok dispela program i laikim olgeta yut bilong wan wan asosiesen i mas bung wantaim long senisim pes bilong kantri na kamap nek bilong kantri bihain taim.

Toua i tok bikpela nid bilong dispela program em long lukluk daunbilo na go antap bikos dispela ol yut i stap long viles nidim moa sapot long ol siti yut na tu wantaim gutpela edukesen.

“Mipela nidim sapot bilong wan wan grup bilong ol provins i ken joinim mipela na serim tingting wantaim na sapotim dispela sumit program long muv fowat neks yia wantaim olgeta 22 provins aninit long het tok strongim yut, strongim nesen,” Toua i tok.

Sif Ekseketiv Opisa bilong Equal Playing Field Jacque Joseph i tok dispela samit program em long senisim ol yangpela pipel na wokim gutpela disisen namel long ol kopret sevis long givim pawa long ol yangpela i ken makim wan wan grup bilong ol olsem; GBV, Klaimet senis, COVID-19 na ol arapela moa long kantri.

Em i tok dispela em bai taim long holim ol gavanens ogenaisen akauntabol na pusim moa long senis na draivim moa yangpela pipel long kamap senis long kantri.

Astingting bilong Equal Playing Field em long fokas long ol pikinini awenes bilong abnisim ol na awenes long paitim jenda beis vailens long kantri.

Jacklyn Kimala i raitim