Pacific Institute of Leadership na Governance (PILAG) i bin holim namba 3 Greduesen bilong ol long las wik Fraide.

Dispela namba wan taim ausait greduesen bilong PILAG i bin lukim Minista bilong Pablik Sevis na Memba bilong Nuku Joe Sungi, Vais Minista bilong Pablik Sevis Salio Waipo, DPM na Ekting Sia bilong PILAG Bod Taies Sansan, CEO Michael Barobe wantaim ol spesel ges na olgeta pipel husat i bin kamap long lukim spesel greduesen de.

“Mipela i laikim veliu ekselens o sevis na pablik sevis bilong mipela long trening ol dispela institut long go wantaim gutpela asesmen bilong ristraksa na plen long divelopmen bilong kantri aninit long nupela 2017 ekt bilong PILAG,” Sif Ekseketiv Opisa bilong PILAG Michael Barobe i tok.

Mista Barobe i tok astingting bilong PILAG em long skruim wok bilong ol na givim kwaliti sevis long bildim kepesiti bilong ol pablik sekta wok grup long wok fos bilong ol wan wan.

“Mipela i laik trenim planti etikol na hai pefomens lida long kantri na mipela laikim gutpela fiutsa olsem na mipela i mas traim long inves moa long kamapim planti skil na talen ikonomi pipel long kantri,” em i tok.

 “Mipela i laikim stratejik menesmen em bikpela samting long lukim samting klia pastaim long trenim ol pipel long skil long wan wan wok fil long taim ol kam insait long dispela institut,” Mista Barobe i tok.

Em i tok bikpela tenkyu long NEC wantaim sapot bilong Minista bilong Pablik Sevis Joe Sungi Memba bilong Nuku long sapotim dispela polisi long PILAG.

Long dispela yia 2021 PILAG i bin greduetim 467 sumatin husat i bin stap aninit long 10-pela kos we PILAG i bin givim long las yia.

Jacklyn Kimala i raitim