IS SEPIK Provinsal haus sik i gat wanpela nupela x-ray masin e mol i bin baim long K540,000.

Haus sik i no bin gat wanpela x-ray masin inap 8-pela mun olgeta.

Dispela masin em i nupela na i strong moa na bai wok longpela taim tru. Dispela masin i kam stret long helpim ol pipel bilong Is Sepik we provinsal gavman na gavana  Allan  Bird i baim na kisim i go long provins.

Gavana Allan Bird i tok dispela K540,000 x-ray masin i dia tumas na ol i bin baim long mani bilong Provinsal Sapot Impruvmen Fan bilong ol pipel bilong Sepik yet.

Mista Bird i tok moa olsem “Long las 8-pela mun, Is Sepik Provinsal Helt Atoriti (ESPHA) i bin spendim K800,000 long salim 60 pesen bilong ol keis i go long haus sik long Lae na Madang, na kost bilong dispela wok em i dia tumas. Nau mipela gat x-ray masin pinis long provins yet i yusim,”