OL pikinini husat i gat 5- pela krismas i bin kisim skul long kukim pestri long Airways Hotel long Pot Mosbi.

Olgeta yia wantaim Airways Hotel na Buk Bilong Pikinini (BbP) we i save bungim olgeta pikinini husat i gat 5-pela krismas long lainim wok bilong kukim kaikai.

BbP i laik soim ol pikinini long Early Childhood Edukesen program i mas gat edukesen kisim ol long strongim na sapotim ol wok insait long kantri. BbP i bin raitim ol siris bilong buk “Taim mi bikpela antao Mi laik kamap tisa; Pailot, Stua Menesa, Paramedik; ICT Opisa na Fama.

Ol bai opim dispela olgeta nupela buk long Ogas.

BbP i laik wokim wanpela liklik laibri bilong ol dispela buk bilong ol kainkain profesen na ol pikinini i ken yusim na helpim ol long bihain taim.

Namel long ol profesenel wok , ol pikinini i bin lainim pinis wok bilong kisim piksa na video olsem na nau ol redi long Hevi ikwipmen Opereta long (Hostings Deering), Pastry Chef long (Airways Hotel) Archtitek (Steamships/ Pacific Palms Property) na Ensinia (ExxonMobil) na ol Nes long City Pharmacy Limited.

Jeneral Menesa bilong Airways Hotel Sunilkumar Panda i tok: “Mipela i amamas long sapotim gol bilong Bbp long strongim sapotim na groim ol pikinini long eduksesen na wok, long bihain taim.

Ekseketiv Opisa bilong Bbp Leahne Pesson i tok tenkyu long Airways Hotel long opim rot bilong ol pikinini na givim ol gutpela sevis stat long 2008 i kam kamap long 2021.

Jacklyn Kimala i raitim