ST Montfort Tisa Koles insait long Not Fly Iletoret bilong Westen Provins i kamapim bikpela senis long divelopim na promotim ol risos divelopmen long draivim ikonomi na sosel ektiviti long provins

Dispela nupela bikpela infrastraksa i bin kamap long helpim namba bilong populesen insait long provins i go antap tru na nidim moa skul na koles olsem St Monfort.

Memba bilong Not Fly James Donald i bin kamap long lukim dispela bikpela faundesen projek wok bilong 8-pela rum insait long wanpela bilding long Kiunga taun

Donald i tok tenkyu long dispela wok em namba wan mak bilong divelopmen projek long provins wantaim sapot i kam long provinsel gavman aninit long lidasip bilong Gavana Ati Towo Yoto.

Em i tok long wokim dispela kain projek i no isi wok tasol tenkyu long olgeta i bin joinim han wantaim long kamapim dispela St Montfort Tisa Koles.

“Mipela nidim kwaliti koles long divelopim risos bilong mipela na lukautim ol fesiliti bilong dispela kain skul,” em i tok.

“Mi laikim olgeta provins i mas lukautim dispela nupela koles wantaim olgeta skul fesiliti bikos dispela bai helpim mipela long gro,” Donald i tok.

Jacklyn Kimala i raitim