Nesenel Katolik Edukesen Sevis i bin karim aut monitoring program long las wik 17 i go
pinis long 21 Me 2021 long Daiosis bilong Wabag, Mendi, Mt Hagen, Jiwaka na Kundiawa.

Tupela husat i bin go pas long dispela program em; Seketeri bilong Katolik Edukesen na
Siaman bilong Nesenel Sios Edukesen Kaunsil Michael Ova na Asisten Sekreteri Fiona
Wenama.
Dispela monitoring program i bin kamap pinis bihain long ol Katolik Edukesen Sekreteri na
Kondineta Enuel Konprens long Pot Mosbi na bin sevim olsem hap wok plen bilong bilong ol
long taim bilong konfrens. Ol Hailans rijon i bin namba wan long kisim dispela program.
Bikpela wok bilong dispela raun em long lukim ol edukesen seketeri na kondineta long lukim
ol wok ol i bin plenim long soim gutpela piksa bilong Katolik long ol skul insait long rijon i
ken skul wantaim lotu pasin.
Mista Ova i tok dispela raun i bin givim sans long ol long lukim wanem hap stret ol Katolik
skul i stap.
“Mipela i bin toktok long CES na CEC bilong ol narapela daisosis, na tu bung wantaim ol het
tisa, tisa na sumatin bilong ol skul long kisim ol infomesen bilong wan wan skul long lukim
hamas taim mipela i bin putim long promotim piksa bilong mipela Katolik long ol ejensi skul
na tu long implementesen bilong Rijes Edukesen skul bilong ol sumatin,” em i tok.
Em i tok ol bin sans long go lukim ol wokmanmeri na sumatin bilong Kumin Praimeri Skul
long Mendi, Pompabus Praimeri Skul long Mt Hagen na Sari Praimeri Skul long Wabag.
Em i tok dispela data ol bin kisim inap long foapela yia i go pinis na dispela i no orait long
tem bilong ol plen long moa stratejik rot long promotim dispela piksa bilong Katolik long ol
ejensi skul na tu long Pikinini Proteksen Polisi long lukautim welbeing bilong ol sumatin.
Ol het tisa i mas baset bilong baim roseri, piksa bilong mama, diwai kruse na ol narapela sios
samting long yusim long taim bilong lotu wok.
Mista Ova i tok planti bilong ejensi skul i amamas long bekim askim bilong ol bikos ol lukim
olsem dispela i namba wan taim long lukim wanpela go daun long level na luksave long ol
ejensi skul.