GAVANA bilong Nesenel Kepital Disitrik Powes Parkop go wantaim ol NCDC Menesmen long givim ki bilong nupela UPNG Dometri long Yunivesiti bilong Papua Niugini long dispela wik Trinde.

Olgeta sumatin na tisa bilong UPNG i amamas long Parkop wantaim NCDC Menesmen long dispela taim bilong COVID-19 tasol ol komitim taim long gutpela bilong ol sumatin.

Dispela em bikpela samting na besik nid bilong ol sumatin long yusim na kisim save. Maski kwaliti edukesen nidim moa risos long wokim dispela kain dometri tasol NCDC i bin komitim mani long bildim dispela nupela dometri.

Stat long dispela yia taim bilong COVID-19 Pandemik ol sumatin bai yusim dispela dometri na tingim han mak bilong NCDC.

UPNG skul i amamas long kisim ki bilong nupela dometri long han bilong Gavana Parkop wantaim ol NCDC Menesmen bikos dispela kain divelopmen wok i ken bringim go neks level.

Gavana Parkop i salensim UPNG sumatin i mas lukautim na yusim gut ol nupela bilding o samting bilong skul bikos dispela ol samting bai tanim bek na helpim ol long edukesen level.

Olgeta sumatin, tisa na wok manmeri bilong UPNG i mas wok bung wantaim long kisim moa divelopmen long skul na bekim askim bilong gavman wantaim kwaliti edukesen.

Jacklyn Kimala i raitim