ExxonMobil PNG i bin sapotim Bogi Literesi Skul wantaim nupela pilai graun ikwipmen long makim PNG LNG Projek insait long Papa viles.

Dispela Bogi Literesi Skul i gat 60 sumatin na ol i save yusim tu long sevim olsem lainim senta bilong ol pikinini aninit long faiv na eit krismas.

ExxonMobil PNG i bin luksave long Bogi Literesi Skul long taim ol i bin raun go lukim skul long las yia.

Long soim dispela luksave bilong ol, EMPNG i bin donetim nupela pilai graun ikwipmen long skul bikos dispela skul i gat bikpela pilai graun nidim nupela ikwipmen long sapotim ol pikinini i ken pilai amamas wantaim.

Aset Menesa bilong PNG LNG Projek Alyssa Warner i tok dispela donesen bilong ol nupela pilai graun ikwipmen em bilong sapotim ol pikinini i ken yusim long spot de bilong ol na tu long bekim raun bilong ol long las yia.

Het tisa bilong Bogi Literesi skul Rabia Morea i tok bikpela tenkyu na amamas long sapot bilong ExxonMobil PNG wantaim ol ikwipmen.

Em i tok namel long dispela donesen EMPNG i bin sapotim wantaim tupela TV tu long stap insait long haus bilong tisa long Redscar Hai Skul na LeaLea Praimeri Skul.

“Ol pikinini i amamas long dispela pilai graun ikwipmen na bilip wantaim dispela donesen bikos ol pikinini bai yusim,” Morea i tok.

Jacklyn Kimala i raitim