Divine Word Univesiti i bin givim K12,000 mani long famili bilong Jastis Nicholas Kirriwom long sapotim haus krai bilong en long las wik i go pinis long Madang Provins.

Presiden bilong DWU Pater Philip Gibbs wantaim ol DWU na Sosaiti bilong DWU (SVD) Misinari i bin tok tenkyu long famili bilong Jastis Kirriwom long stap na sevim Yunivesiti Kaunsil bodi inap em i dai.

Yunivesiti Presiden Pater Profesa Philip Gibbs i tok Jastis Kirriwom i bin wanpela strongpela man husat i gat gutpela tingting long sevim wok bilong yunivesiti em inap long planti yia.

Jastis Kirriwom i bin stat memba bilong yunivesiti long tupela ten olgeta,” Pater Gibbs i tok.

Pater Jose Orathinkal provinsal het bilong SVD Misinari long PNG i tok olgeta disisen bilong leit Jastis Kirriwom olsem memba bilong Yunivesiti Kaunsil bin soim tru kala na save bilong en.

“Intevensen bilong em na toktok bilong em long ol hevi i save kamap beis long ol ekspiriens, save na wisdom bilong en,” Pater Jose i tok.

Em i tok Kirriwom i save wokim olgeta kwaliti wok long kamapim namba wan jas long Papua Niugini.

Studen Representetiv Kausil Presiden Phillie Julai tu i bin makim ol DWU sumatin long dispela taim bilong haus krai long soim sain bilong rispekt long dai bilong kaunsil memba.

“Mipela olgeta i amamas long save olsem Nicholas Kirriwom em prodak bilong Divine Word Hai Skul na kamap olpela memba bilong DWI na DWU wantaim,” Julai i tok.

“Mi amamas long tok olsem dispela Kaunsil Memba i bin strongim ‘Diwai Spirit’ stap yet long planti yia em bin wok insait long jastis sekta,” em i tok.

Em bin go bek na kamap trasti komiti memba bilong ol Divine Word Institut na long 2019 olsem hap bilong Yunivesiti Kaunsil,” SRC Presiden i tok.

Jacklyn Kimala i raitim