PAPUA Niugini Yunivesiti ov Teknoloji i redi long lukim nupela haus kaikai bilong ol sumatin we bai kamap long senisim dispela olpela haus kaikai we i bin paia long Jun 26, 2016.

Gavman bilong Papua Niugini i bin givim mani mak bilong K17.5 milien kontrak long wanpela nesenel kontrakta long bildim dispela nupela haus kaikai long PNG Yunivesiti  ov Teknoloji long Lae, Morobe Provins.

Dispela kontrak sainim namel long Rijonal Enjinering na Kontraksen i bin kamap long Gavman Haus long Pot Mosbi.

Dipatmen bilong Haia Edukesen Risets Sains na Teknoloji Sekreteri Pater Jan Czuba i bin sainim dispela kontrak wantaim REC menesing Dairekta na Yunitek deputi vais sansela Dokta Garry Sali.

Gavana Jeneral Sia Bob Dadae tu i bin ko-sainim gen dispela kontrak long kamap.