Fleksibol Open na Distens Edukesen (FODE) i toksave olsem ol metirel bilong lainim i stap nau long intanet na ol sumatin i ken kisim isi na stadi.

Lae Open Besik Edukesen Inspekta Mufuanuc Zurete i tok ol sumatin bilong FODE i ken kisim ol metirel na stadi enitaim long haus.

Ol sumatin i ken stap ol yet long rum long haus bilong ol na mekim stadi bilong ol, Mista Zurete i tok.

I gat ol metirel bilong ol sumatin long gred long 7 i go long 12.

Sapos ol sumatin i pilim ol i no seif long klasrum bikos long COVID-19 orait ol i ken stap long haus na kisim ol metirel long intanet na stadi, Mista Zurete i tok.

Long Lae i gat tripela FODE Senta; Lae Komyuniti Koles, Imanuel Luteran Skul na Morobe FODE. Morobe FODE em i stadi senta tu.

Ol sumatin i ken kisim ol metirel long dispela adres http://fode.education.gov.pg/courses.html.