WANPELA rurel elementri skul long Morobe Provins i bin selebretim nupela klasrum bilong ol we i givim seif ples na spes bilong ol lokal pikinini long lainim samting.

Dispela nupela klasrum long Ngariawang 2 Elementri Skul i bin kamap bihainim Skul Learning Improvemen Plen (SLIP), we ol wokmanmeri bilong skul i bin go pas long dispela na ol skul bod bilong menesmen wantaim sapot bilong ol papamama na ol klostu komyuniti.

Dispela projek i bin kamap bihainim trening long senisim ol plening kepasiti bilong ol tisa na bod bilong menesmen, we ol Wol Visen i bin givim olsem hap bilong bung wantaim wok long Edukesen (T4E) program.

T4E program i bin kamap wantaim sapot bilong Papua Niugini-Australia Patnasip na senisim ol pefomens bilong ol tisa, wokim moa inklusiv lainim envaironmen, na strongim ol kapasiti bilong ol papamama long sapotim ol pikinini long lainim gut samting.

Em bai givim profesenel divelopmen long ol tisa, kamapim gutpela lainim risos long ol skul na wok wantaim stekholda long strongim skul gavanens.

Tisa-in-sas Yanik Kwanean i bin stap tisa long Ngariawang long eitpela yia na nau em wanpela tisa tasol long skul.

Em bin stap long skul menesmen trening wantaim ol bod bilong menesmen siaman Michael Kupik na bod memba Paul Magan.

Long taim bilong trening ol tripela i bin lainim long wokim na yusim SLIP na painim pemenen klasrum olsem namba wan samting.

Kwanean i tok sapot bilong komyuniti i ken senisim dispela skul na helpim edukesen bilong ol pikinini.

“Mi wantaim olgeta lain husat i makim komyuniti i tok bikpela amamas,” Kwanean i tok.

“Wantaim dispela helpim bilong komyuniti mipela i bildim dispela nupela klasrum. Mi laik tok tenkyu long dispela.”

Ol komyuniti i bin bildim dispela Ngariawang 2 elementri klasrum long 2012 wantaim ol bus samting kam inap nau ol i gat nupela klasrum olsem na olgeta i amamas long dispela hatwok.

Mista Mupik i tok olsem dispela skul menesmen trening bin helpim fosta moa engesmen na ol komyuniti i bin komitim ol yet long tingim pikinini bilong ol i ken go long skul na kisim save ol nidim long laip.