…tasol ol i mas bihainim ol mesa bilong banisim COVID-19.

NESENEL Pandemik Kontrola David Manning i tokaut long Mande dispela wik olsem ol praimeri na sekenderi skul bai i stat gen long Mande 19 Epril.

Em i tok strong olsem ol skul i mas bihainim stret olgeta COVID-19 mesa na holimpas na bihainim ‘nupela pasin’.

Mista Manning i tok, olgeta skul i mas bihainim mesa bilong werim pes mask olgeta taim. Ol skul i mas putim ol han senitaisa o ples bilong wasim han. Ol skul i mas bihainim tu pasin bilong stap longwe long narapela. Na husat sumatin i sik i mas no ken go long skul inap ol helt atoriti i tok orait long ol i go bek long skul.

Long Sande las wik Epril 11 namba bilong konfem COVID-19 keis em i stap long 8,602 na 69 pipel i dai pinis long dispela sik olsem na olgeta pipel i mas tingim dispela na helpim long stopim sik ya long kamap bikpela moa.