NARAPELA nupela skul i op nau long ol Bogenvil sumatin long painim sans long go het wantaim edukesen bilong ol.

Dispela taim ol Misinari Trening Koles i toksave long ol sumatin long kam rejista long 2021 akedemik yia stat long Februeri.

Prinsipal, Yunaitet Sios Pasto Fabian Peter i bin tokim New Dawn FM long las wik olsem ol i salim ol sumatin bilong ol i go het long stadi long Saina, Filipins na Indonesia long skolasip program.

Em i tok olsem dispela skul i bin operet moa long 20 yia long narapela hap bilong Papua Niugini na i givim gret 12 setifiet kos nating long ol namba wan 100 sumatin husat bai rejista wantaim K200 tasol.

Ol bai givim Diploma na Tred Program wantaim Setifiket na Laisens program bilong Forklift opereta, Ekskeveta opereta, Greda Opereta na arapela draiva laisens.

Ol bai beis long New Guinea Christian Akedemik, baksait strit Buka taun na bai operet long Arawa long sait olsem ol bai tokaut klostu taim.

Long kisim moa infomesen yu ken kolim ol Skul long Mobail namba 73336670 o 79189005 o 76567643.

Olgeta Diploma na Trade kos skul fi mani em K3000.

New DAWN FM Nius