MELANESIAN Turis Sevis (MTS) i bin kamap long namba 39 Greduesen seremoni bilong  ol 3-pela man sumatin husat i bin skul aninit long sponsa bilong ol wantaim Sir Peter Barter na greduet long las wik Fraide, long Madang.

Dispela ol 3-pela man sumatin em Thomas Dedmai, Trevor Ledibo na Anton Selve husat i bin winim brons medol bilong akedemik ekselens taim Sir Peter na Operesenel Menesa bilong MTS Wesley Hantan i lukluk stap.

Sir Peter i tok olsem, em i amamas long lukim dispela ol 3-pela man hatwok na wok strong long stadi bilong ol inap ol greduet.

Thomas i tok tenkyu long Sir Peter na ol tim bilong Niugini Daiv Adventures (NDA) long sapotim em long olgeta stadi bilong em.

“Mi laik tok tenkyu long Sir Peter na ol klostu pren bilong mi ol dive instrakta bilong NDA, ol i save stap long soim sapot bilong ol long mani na strongim mi long pinisim stadi bilong mi.”

Thomas i bin greduet wantaim Bachelor Digri long Turis na Hospitaliti Menesmen. Trevor i bin greduet wantaim Bachelor Digri bilong Physiotherapy na Anton wantaim Bachelor Digri bilong Communications Arts.

Anton na Thomas bai wok wantaim MTS, taim Trevor bai go het wantaim residensi long Modilon Jeneral Hospital Madang.

Sir Peter i bin apim nem bilong ol DWU ogenaisesen long holim gutpela greduesen seremoni maski dispela COVID-19 i stap.

Jacklyn Kimala i raitim