WOD bilong karim pikinini long Pot Mosbi Jeneral Haus Sik (POMGEN) bai no inap long pas maski 5-pela helt wokmanmeri long Obstetrics na Gynaecology (O&G) divisen o haus sik bilong bel mama, i kisim COVID-19 bikos long komyuniti trensmisen.

Sif Ekseketiv Opisa bilong POMGEN, Dokta Paki Molumi, i mekim dispela tok i no longtaim i go pinis long bekim sampela askim bilong midia na tu mekim klia long ol lain husat yusim sosel midia i lukim na harim sampela paul toktok olsem leba wod i pas.

“Mipela i gat 5-pela wokmanmeri long O&G sait we i kisim COVID-19 long komyuniti. Tasol, wod bilong karim pikinini long POMGEN em i wanpela ples tasol bilong pablik long karim pikinini insait long siti, Sentral Provins na Galp Provins olsem na mipela bai no inap long pas,” Dokta Molumi i tok. Dokta Molumi, i tok klia tu long ol lo we ol i putim pinis long banisim ol sikmanmeri na piknini na ol helt wokmanmeri long COVID-19. “Ol sevis bai go het yet wantaim ol lo bilong banisim sik na bai kisim ol wokmanmeri long strongim se

vis na pulmapim spes long wok stpela taim tasol sapos ol wokmanmeri i kisim COVID-19 na i stap long aisolesen. “Mipela i wok long testim ol wokmanmeri husat i soim sain bilong COVID-19. I gat planti manmeri na pikinini long komyuniti husat i gat COVID-19 tasol ol i no kisim test olsem na ol tasol i wok long salim sik i go i kam i stap. Dispela em i bikpela wari bilong mipela. I no longtaim bai ol klinik na haus sik bilong mipela bai pulap long ol sikmanmeri we bai winim sais bilong mipela na mipela bai hat long helpim olgeta yet,” Dokta Molumi i tok.

Rebecca Negere i raitim