LONG dispela taim bilong COVID-19 we namba bilong ol keis i go antap long Nesenel Kepital Distrik na tu namba bilong ol dai bilong COVID-19

long kantri tu i go antap, Pot Mosbi Jeneral Haus Sik i stap long bikpela nid long i go het na givim ol helt sevis. Ol i stretim gen imejensi dipatmen na ol namba wan sevis bilong ol long dispela taim na

ol i helpim na sapotim Rita Flyn Aisolesen na Testing Senta tu olsem na ol i nidim pablik long helpim ol. Ol i laik pablik i mas helpim ol wantaim ol pes mask, han glap, karamap bilong pes, ol

marasin bilong wasim han, bet sit, pilo kes, blanket, botol wara, ol frut na kumu, ol drai kaikai olsem rais, flaua, ti na kofi, ol kaikai olsem abus na milk, ol kaikai bilong ol wokmanmeri na sikmanmeri na pik

inini, ol mop, toilet pepa, ol basket bilong kaikai na ol marasin bilong kilim ol binatang nogut. Ol i nidim tu ol emti 20 na 40 fut kontena na ol bokis ais kontena. Ol lain long pablik husat i

laik helpim POMGEN i ken ringim Shirley Lewa long 70989649, Jacky Potane long  74762108 o Rosslyn Hoot  long 71388000. O ol i ken salim email long This email address is being protected from spambots. You need JavaScript enabled to view it.

Rebecca Negere i raitim