BUNSIL Hai skul long Siasi Ailan long Morobe Provins i bin pas long dispela dispela yia bihain long em bin stat long 2019,” Program Edvaisa bilong Skul Keith Tangui i bin tok las wik.

Dispela Bunsil Hai skul i no gat inap mani long ranim skul olsem na long las yia 2020 Edukesen Bod i bin kamap long lukim operesen bilong skul long opim gen skul long dispela yia tasol ol i bin pasim gen bikos i no gat inap infrastraksa divelopmen long ranim skul dispela yia.

Mista Tangui i tok Bunsil hai skul i no gat gutpela luksave bilong Morobe Gavman long las yia kam inap dispela yia 2021. Olsem na Het tisa bilong dispela hai skul i mas givim gutpela ripot bilong skul i pas wantaim evidens long Morobe Edukesen Opis.Bottom of Form

I gat wari tu olsem long edukesen opis i no gat wanpela Akwital bilong Salamaua Hai-skul na Bugandi Sekenderi skul i bin kam aut na tu no ga Bod Gavaning Kaunsil long lukluk long ran bilong skul.

Em i tok dispela ol skul i bin bungim bikpela bagarap tru olsem na edukesen dipatmen bilong Morobe i mas wok painimaut long lukim husat tru i bin yusim ol mani bilong skul na ripot long polis i ken painimaut na rausim em long skul.

Paulus Tali i raitim