NAMBA bilong COVID-19 dai long kantri i nau stap long 14 long dispela wik Mande.

Wanpela man long Nesenel Kepital Distrik (NCD) husat i gat 60 krismas i kisim COVID-19 na i slip long Intensiv Kea Yunit long Pot Mosbi Jeneral Haus Sik long Februeri 24 inap Mande Mas 1 we em i lusim laip bilong en bikos long COVDI-19.

Long dispela taim we dispela dai i bin kamap, 49 nupela keis bilong COVID-19 tu i bin kamap long kantri na i bringim namba bilong ol COVID-19 keis long kantri i go 1,365. Ol ripot bilong ol dispela keis i kam long 4-pela provins we 13 long NCD, tupela long Wes Sepik, tripela long Morobe na 31 long Atonomus Rijon bilong Bogenvil.

Long NCD em 9-pela em ol man na 6-pela em ol meri we krismas bilong ol i stap namel long 28 na 62. Na 10-pela bilong ol dispela 13 keis i soim sain bilong COVID-19 na 5-pela i no soim sain long taim bilong kisim test. Tripela bilong ol dispela keis i bin pas wantaim wanpela COVID-19 keis bipo.

Morobe Provins i ripotim tripela nupela keis na ol dispela keis e mol meri namel long 30 na 38 krismas. Tupela bilong tripela keis i bin pas wantaim wanpela keis bipo.

Namba bilong COVID-19 keis long kantri em 1,365 na dai em 14.