OL tripela bikpela komyuniti em, Neneo (Waipu), Kalaprai na Yapokon insait long ward 17 bilong Wabag Distrik, i kisim bikpela taim long salim ol pikinini go kam long skul dispela yia bihain long hevi ren i pundaun na wasim wanpela diwai bris bilong ol.

Long taim bilong skul na moa long 600 Neneo pipel i kisim taim tru long yusim ol blakpela raba tub long karim ol pikinini wantaim skul bek na bilum go long apsait long wara na kam bek. Wankain long olgeta pipel bilong ol komyuniti husat i save yusim dispela bris.

Ol skul pikinini bilong 2021 akedemik yia i statim skul wantaim dispela bikpela hevi tasol ol Neneo komyuniti i no les long go pas na stretim gen.

Olgeta Neneo pipel i save wok strong long sapotim komyuniti bilong ol long taim. Dispela Ambum wara bris em bikpela rot we i save bungim olgeta klen long wokabaut antap tasol no gat gutpela luksave bilong ol memba.

Taim bilong bikpela ren dispela Ambum wara i save rausim bris na olgeta pipel i save yusim blakpela bot long kalap go apsait.

Maski Neno Waipu i gat planti haus kapa na gutpela wokmanmeri tasol dispela bris em wankain yet inap planti yia nau.

Jacklyn Kimala i raitim