SEKRETERI bilong Edukesen, Dokta Uke Kombra i bin tokaut las wilk olsem olgeta gret 10 sumatin long
Madang provins i no bin mekim gut long mak bilong ol long las yia. Na dispela em i no gutpela tru long sait
bilong edukesen level long PNG.

Dokta Uke Kombra na Minista bilong Edukesen, Jimmy Uguro i bin go long Madang long las wik Fraide, long opim
2021 opisal Akedemik Yia. Dispela seremoni i bin kamap long Marape Hall long Tusbab Sekenderi Skul long Madang
taun.
Em i tok ol asesmen o wok bilong makim olgeta gret 10 eksem pepa em Nesenel Dipatmen bilong Edukesen i bin
wokim long las yia (2020) long painimaut long 17 hai skul na sekenderi skul long Madang provins husat i sindaun
long gret 10 eksam, em planti i no mekim gut. Ol i no save long planti samting na test mak i soim aut stret.
NDoE i bin yusim Min Reting Index (MRI) sistem long painimaut sapos skul i bin mekim gut o nogat. Ol skul we i
skorim o mak bilong ol i stap antap long 50 pesen em ol skul husat i mekim gut, na skoa bilong ol i stap antap long
MRI.
Dokta Kombra i tokaut long olMadangEdukesen wok lain, oltisa, sumatin na ol papamama husat i bin stap bung insait
long Marape Hall.
Em i tok namel long dispela 17-pela skul we ol sumatin bilong ol i bin sindaun long gret 10 eksaminesen long las yia,
em 5-pela tasol i skorim mak antap long 50 pesen MRI.
Dokta Kombra i bin salensim ol Madang Provinsel Edukesen opis na ol tisa na ol papa mama bilong ol sumatin ol i
mas luksave long dispela mak nogut na traim apim standet bilong edukesen long gret 10 i go antap.
Em i tok tu olsem long las yia olgeta gret 12 sumatin bilong Madang provins tu i bin mekim gut liklik. Tasol ol i nid
long mekim moa gut long dispelayianaapim level i go antap moa.
Dokta Kombra i tok 9 skul long Madang las yia i bin lukim ol sumatin bilong ol i sindaun long gret 12 eksaminesen.
Long dispela namba em 7-pela long ol i skorim mak antap long 50 pesen MRI. Dispela em i gutpela stori bilong
2020, tasol ol skul long Madang i nid long mekim gut long dispela yia 2021.

James G. Kila i raitim