OL pipel bilong PNG husat i laik stadi aninit long Australia Awards Scholarship bilong gavman bilong Astralia i ken aplai nau. Ol eplikesen i op nau na bai mas long biknait long 30 Epril 2021.

Ol kondisen bilong aplai em yu mas wanpela sitisen bilong Papua Niugini. Na yu wok inap tupela yia o moa long ol dispela eria: egrikalsa, edukesen, gavanens, helt, lo na jastis, transpot na infrastraksa.

Dispela skolasip i karamapim post greduet stadi na progresiv kwalifikesen we yu ken apim mak bilong wanem teseri kalifikesn yu gat nau.

Dispela skolasip i laik ol meri na ol pipel husat i disabel tu i salim eplikesen bilong ol i kam. I gat moa tok save is tap long website bilong ol.

Gavman bilong Australia  i putimaut toksave long wanem de ol opisa bilong en bai bungim ol manmeri husat i laik kisim moa infomesen long NCD na bai ol i raun i go tu long ol arapela provins long kantri.

Long NCD bai ol i stat lukim ol pablik long PILAG konprens rum long Waigani long 11 na 12 Februeri, 2021 na bai ol i lukim ol meri na ol lain i gat disabiliti na ol pablik tu long 11 na 12 Mas, 2021.