BIPO Praim Minista bilong Papua Niugini Peter O’Neill  i tok olgeta sumatin long elektoret bilong em i bai skul fri.

O’Neill i tok, “ol sumatin long elementri i go inap long sekenderi i bai skul fri na long yunivesti ol wan wan sumatin i bai kisim K2000  na ol wan wan sumatin long koles bai kisim K1000.”

“Dispela i bilong helpim ol sumatin long koles na yunivesti long peim ol fi bilong ol,” O’Neill i tok.

Mista O’Neill i mekim dispel tok taim em go long Tindua long stretim wanpela pait i kamap long hap.

O’Neill i tok mipela i mas laikim wanpela narapela na i mas stopim ol kros pasin.

O’Neill i tok sapos sampela hevi i kamap yumi mas no ken yusim ol samting olsem gan na naip long stretim. Yumi mas stretim gut long pasin bilong stretim ol kain hevi.    

UPNG Jenelis Sumatin Samantha Solomon i raitim