Tupela sumatin meri husat i stadim mekenikel enjiniering i mekim liklik hap bilong kisim pawa long Medahe Rurel long Lufa Distrik Isten Hailens Provins.

Tupela fainel yia sumatin Oksana Mirino na Myra Kakarere wantaim supavaisa bilong tupela Dokta Aezeden Mohamed i givim dispela disain i go long  gavana bilong Isten Hailans bipo Peti Lafanama. Lafanama i bai givim mani long mekim dispel projek.

Dispela tupela sumatin i namaba wan sumatinmeri long stadim mekanikel enjiniering. Dispela projek i kamap olsem wanpela hap bilong asainmen bilong tupela.

Wok bilong yunivetsi bilong  teknoloji long go aut long ol long we ples i mekim tupela long go long dispela hap long mekim dispela projek.

Dispela stadi i soim Lipa River System Hydrological Parameters wantaim profail na wantaim ol narapela teknisen samting.

Dispela projek i bai givim pawa long Lufa Mushroom  Project na ol lain husat i slip klostu long hap.

Tupela sumatin i tok dispela projek em i teknikal na em i mekim tupela long wok na lainim wantaim na tu long ol narapela eria olsem Civil na Elektrikel Enjiniering, Akiteksa, sevei na Jiograpi infomesen.

Tupela i tok moa taim tupela i mekim dispela projek em i helpim tupela long mekim ol bikpela wok.