JAPAN International Cooperation Agency (JICA) i givim 25, 000 pes mask i go long Nesenel Dipatmen bilong Helt long Trinde 20th bilong Janueri.

Wanpela praivet kampani long Japan FANCL Koparesen i givim dispela 25 000 pes mask long Japan International Cooperation Agency (JICA) aninit long program bilon gol we ol i kolim “Smail for all in the World” program. Ol i givim long PNG helt dipatmen long helping long Coronarvirus long kalap.

Sinia Representitiv bilong PNG Opis Takahiro Yokota i tok bikpela tingting bilong JICA em long pait egensim na helpim ol manmeri long kainkain hevi i wok long afektim wol.

Presiden bilong FANCL Koparesen i tok kampani bilong ol bai stap yet na helpim helt na gutpela sindaun bilong ol manmeri long wol.

Papua Niugini i bin kamap olsem wanpela kantri we ol helt dipatmen insait long wol i tok PNG em komyuniti transmita long sait bilong sik Coronarvirus.

Deputi Kontrola bilong Nesenel Pandemik Rispons na Deputi Helt Seketeri Dokta Paison Dakulala i tok tenkyu long Japan i kamap gutpela patna bilong Papua Niugini na save stap baksait long helpim ol long taim bilong hevi.

Namba bilong COVID-19 keis long wolem 96, 571, 269. Dispela sik i stap insait long 219 kantri na 2, 063, 442 indai. Tasol 68, 995, 255 kes we ol i kamap orait pinis.

Dokta Dakulala i tok long stopim dispela sik long noken kalap go kam long ol man, meri na pikinini nambawan samting ol i mas mekim em olgeta mas werim pes mask olgeta taim.

UPNG Jenelis Sumatin Martina Takaneng i raitim