NAMBAWAN samting Sophia save tingim em helt bilong bebi bilong en. Taim ol wok manmeri bilong haus sik i save kam na go ol i save givim ol banis sut na marasin samting.

Sophia i tok, “Banis sut em i impoten samting na ol mama i mas karim ol bebi i go kisim sut long banisim ol long kisim sik.”

Em i isi long kisism dispela sevis insait long Morobe insait long ol bus ples i kamap gut wantaim helpim bilong Immunisation and Health Systems Strenthening (AIHSS) program.

AIHSS em i wanpela program gavman bilong PNG i statim wantaim helpim bilong Gavman bilong Australia, Nu Silan na Gavi.

Long yia 2022 dispela program bai i apim namba bilong givim banis sut long ol bebi long nesenel level i go long mak bilong 80 pesen. Dispela em i bilong stopim ol pikinini long kisim sik.

Dispela program i stat long Julai 2020 wantaim helpim bilong Moroe Provinsel Hlth Atoriti, World Vision na wantaim Wol Helt Oganaisesen.

Menesa bilong Helt long Markham na Mutzing helt senta Veronica Waffi i tok ,”Dispela program i helpim na mekim gut pasin bilong givim bebi sut.”

“I gat sans long yumi ken senisim wei bilong givim bebi sut,” Veronica i tok.

Veronica i tok moa, “Dispela i bai kamap wanpela gutpela samting long helpim ol pikinini bilong yumi long no ken kisim sik na tu ol helt wokmmanmeri long mekim bebi sut i kamap olsem nomal samting.”

Opisa husat i go pas long Nawaeb Distrik na Boana Health Centre John Landime i tok, “Pikinini Rejista buk em i namba wan samting long yusim taim Nesenel Dipatmen bilong Helt i givim.”

Mista Landime i tok, Pikinini regista buk em i wanpela buk long usim long helpim ol wokmanmeri bilong helt long mekim wok. Taim yumi gat dispela bai yum i pinisim wok bilong givim bebi sut long olgeta hap.

Dispela program i save go olgeta long ol ples i no gat klinik long en. Em i save helpim ol mama husat i painim hevi long go long klinik long longwe rot.

Wantaim dispela program ol mama bai i gat wanplea helt wokmeri long ples na em bai helpim long givim bebi sut long olgeta pikinini. Pastaim ol mama i save karim wanpela pikinini tasol go long klinik na ol narapela i save stap bek taim rot i longwe.

ol sik bilong ol pikinini husat i no save kisim bebi sut long em lek han bagarap na tu pikinini i ken i dai.