TWINKLE Star na Early Childhood skul bilong ol liklik pikinini i redi pinis wantaim ol skul pikinini long statim 2021 yia wantaim amamas. Ol dispela skul i stap long Korobosea, NCD.

Twinkle Star skul em biknem skul we planti pikinini bilong ol wok manmeri i save go enrol. Ol i gat planti gutpela samting we ol tisa i save lainim ol pikinini.

Bikpela divelopmen na senis i bin kamap long bikos long gutpela menesmen. Ol i save lukautim ol tisa na pikinini wantaim long skul na tu dispela skul i save apim tingting  bilong ol pikinini long save moa long ol nupela samting.

Long dispela yia bai gat bikepla salens long papamama long putim ol pikinini long dispela kain skul bikos las yia i bin stopim planti pikinini long go skul, tasol nau moa pikinini i laik skul.

Olgeta tisa bilong Twinkle skul i amamas na redi long welkamim ol pikinini na lukautim ol wantaim nupela ol samting bilong skul.

Nupela yia wantaim nupela fasiliti bilong skul we banis bilong skul bai pas olgeta taim wantaim ol pikinini. Olgeta i redi long statim gutpela 2021 yia insait long skul na lainim planti samting.

Stat long dispela wik Twinkle Star i enrolim ol pikinini na stretim ol long skul nau wantaim tisa bilong ol.

Jacklyn Kimala i raitim