Planti ol pikinini meri i mas go long skul na kisim save. Em ol dispela lain i bai lukautim haus na taim
insait haus i stap gut komyuniti bai stap gut na kantri tu bai stap gut.

Wanpela loya David Levi i tok planti ol yangpela meri husat inap long stap long skul long en i wok
long raun long strit i stap.
David i tok, ”Opis bilong mi i stap long bisi strit long Boroko Kakaruk King, na mi save harim ol i
toktok isi long ol yet olsem nupela rikrut.”
Mipela i no save askim ol long a tingting ol i gat na raun olsem. Sampela ol lotu lain tu i save lukim
dispela kain meri olsem ol no gutpela lain.
Em i wok bilong gavman na papamama wantaim long luksave long ol dispela pikinini meri. Sapos
yumi askim ol long tingting ol i gat na raun bai yumi save gut. Namba wan tingting ol i gat taim ol i go
aut long strit em bilong kisim mani bilong baim kaikai samting, David i tok.
“Gavman i mas painim sampela rot long helpim ol pikinini meri long kisim skul long laip skils bilong
kisim mani na kaikai na i no long ol dispela kain samting,” David i tok.
David i tok moa, “Mipela i nid long kamapim planti skul na larim ol i ken go skul na planti save
manmeri i bai gat save na stap.
Sapos dispela i no kamap ol kalabus haus i bai pulap na ol haus sik bai pulap wantaim ol kainkain
sikmanmeri. Yumi mas helpim ol pikinini meri long go long skul.

UPNG Jenelis Sumatin Samantha Solomon i raitim