GAVMAN i laik helpim ol sumatin husat i no kisim wanpela ples insait long ol yunivesti na koles.

COVID-19 i bin bagarapim skul kalenda na 17,000 sumatin i no kisim wanpela ples long koles na
yunivesti. Gavman I laik helpim ol dispela sumatin long gat narapela sans gen long skul.
Minista bilong Edukesen Jimmy Uguro i tok, ”Wantaim dispela helpim mipela i helpim ol
sumatin husat i pinis stret long ol hai skul, mipela i opim dua long ol sumatin husat i no kisim
ples long yunivesti na kolis.
Uguro i tok dipatmen bilong edukesen i kisim tok long ol i mas wok wantaim ol dispela lain
bilong helpim ol sumatin husat i no kisim ofa.
Uguro i tok dispela ol sumatin i bai mekim ol wankain wok olsem ol hai skul i save mekim. Ol i
bai sindaun tu long wankain exem.
“ Uguro i tok, ol sumatin i mas kisim save, planti i no go long ol bikpela skul las yia taim COVID-
19 i kamap.
Gavman bai helpim long skul fi bilong ol dispela sumatin. Ol tisa tu bai kisim mani long skulim ol
sumatin wantaim ol samting bilong skul olsem buk,” Uguro i tok.

UPNG Jenelis Sumatin Samantha Solomon i raitim