PAPUA Niugini Yunivesiti bilong Teknoloji bai nau holim namba wan dometri laboratori
bilong olgeta radiesen

tes insait long kantri bihain long sainim Memoredum ov Andastending
MOU namel long Nesenel Institut bilong Stendet na Indastrial Teknoloji (NISIT).
Dispela fasiliti em namba wan, long stap long Dipatmen bilong Applied Physics we bai givim
olgeta radioektiv testing long yusim ol ikwipmen long pablik na praivet sekta long kantri.
Deputi Praim Minista na Minista bilong Komes na Indastri Sam Basil i bin go lukim wantaim
ol arapela gavman het bilong agensi husat i kam aninit long ministri bilong em.
Deputi Praim Minista i bin makim han mak bilong Gavman sapot long dispela fasiliti na kos
bilong konstraksen bilong ol Testing Fasiliti bai wok aninit long mani bilong Gavman PIP na
ol konstraksen bai stat kamap bihain long sainim dispela MOU.
“Dispela Testing Fasiliti bai lukautim olgeta opereta na lain husat i yusim radiesen soses long
kisim intenesenel radiesen mak we IAEA i setim, long helpim dispela Radiation Safety
Authority wantaim laisens na enfosmen ektiviti,” Basil i tok.
“Pipel, sitisen wantaim ol profesenel wok lain nid long lukautim na testim long radiesen
aplikesen insait long helt ke karamapim masin olsem Cobalt 60 masin na Linear Accelerators
na MRI Masin long diagnosis; skanas, non-destructive testing (NDT) aplikesen. Dispela em
long testim ol graun nuclear gauges we ol i ken yusim long rot na konstraksen indastri tu.
“Dispela dosimeters bai helpim mipela long makim radiesen seifti na lain wantaim ol
Intenesenel Atomik Energy Agency gaidlains” Gabi i tok.
Vais Sansela Dokta Ora Renagi i tok tenkyu long gavman long go het na sapotim dispela
yunivesiti na givim dispela teknoloji long Yunivesiti long sevim ol pipel bilong dispela
kantri.