PAPUA Niugini Gavman i kamapim wanpela fand bilong dinau long helpim ol sumatin husat i skul long bikpela skul insait long PNG. Dispela dinau em ol i kolim Higher Education Student Loan Program (HELP) we PNG Dipatmen bilong Higher Education, Research, Science na Technology (DHERST) i go pas long en.
Wanem samting em HELP?
HELP em kain olsem prais we ol DHERST i givim long ol sumatin long helpim ol long sait bilong skul fi mani long makim Gavman bilong Papua Niugini long wan wan sumatin husat i soim gutpela skul ripot long ol long ol yunivesiti na koles.
Dispela HELP em dinau mani ol sumatin bai kisim bilong wanem taim ol pinis skul na painim wok ol bai bekim dinau bilong ol long potnait bilong ol.
HELP program bai helpim planti ol sumatin long hevi bilong skul fi mani we ol sumatin i ken kisim dinau long gavman na bihain taim ol wok mani ol i ken bekim dinau bilong ol long Gavman.
Yu mas gat dispela ol samtin lo kisim HELP dinau:
- Yu mas gat nem na rejista long wanpela skul long Haia Edukesen Institusen long PNG aninit long DHERST
- Akedemik program we yu kisim long skul mas stretpela wantaim ol National Higher na Technical Education Board (NHTEB).
DHERST HELP Dinau Rikwaiamen
Ol sumatin husat i laik kisim dispela HELP mas stretim olgeta pepa we ol HELP opisa bai laik lukim.
Sumatin mas soim ol dispela samting:
- ID namba bilong yu. Dispela em SLF namba.
- Ol orijinel pepa bilong skul bilong yu.
- Nesenel aidentifikesen namba (NID).
- Takis aidentifikesen namba (TIN).
- Pepa bilong soim olsem yu gat famili na yupela stap wea.
- Pepa bilong soim olsem ol famili i gat gaden na Small na Midium Entaprais (SME).
Ol samting we yu nidim long aplai DHERST HELP Dinau em:
- Kompyuta / Leptop/ Mobail fon/ tablet- em ol pawa samting we bai yu nidim long go long intanet na kisim dispela HELP aplikesen fom.
- Intanet koneksen – bai yu nidim long konek long intanet long websait bilong ol HELP.
- Yu mas gat olgeta samting olsem ol setifiket, NID namba, we bai yu nidim long go insait.
DHERST HELP Dinau Deklaresen fom
Taim yu kisim tok orait long kisim dispela dinau yu mas pulapim HELP Deklaresen fom. Dispela fom bai ol givim long taim yu laik go rejista .
Toksave: yu mas pulapim dispela pepa o fom gut na go givim o salim i go long ol sumatin data opisa bilong dispela institusen.
Hau long go onlain long kisim HELP Aplikesen:
- HELP onlain aplikesen sistem em yu ken kisim long dispela adres http://ipng.dherst.gov.pg. Yu bai go insait long pes we ol kolim Landing pes nau yu klikim log in baten.
- Long stat yu mas go long HELP akaun wantaim wari bilong yu long Studen Data Opisa (SDO).
- Taim yu go insait yu mas mekim wanpela email adres bilong yu we ol ba salim wanpela toksave long soim olsem yu yet go insait.
- Go insait na presim ‘my HELP loan’ baten nau bai yu kisim wanpela toksave we em bai askim long hamas dinau yu laik kisim.
- Yu bai raitim hamas mani yu laikim na hamas mani yu ting olsem bai yu kisim taim yu wok mani. Presim ‘show simulation’ baten long mekim kamap.
- Long lukim kontrak bilong yu, yu mas presim dispela ‘show me contract’.
- Dispela kontrak bilong yu bai gat 26 sapta we yu mas ritim na klia gut.
- Taim yu ritim kontrak bilong yu pinis yu mas tok yes long wanem samting yu ritim pinis.
- Yu presim dispela ‘apply’ baten long tok orait bilong yu na tu em salim aplikesen go pinis long lo HELP opisa bai lukim.
- Taim yu salim pinis bai yu weitim sevenpela day long ol HELP opis bai salim bekim bilong ol. Sapos ol i tok orait long yu o nogat long yu.
- Sapos ol givim tok orait, bai yu go lukim SDO long soim pes na bai yu sain na tu ol bai askim sampela ol askim long na yu givim ansa. Dispela ol askim bai sekim sapos yu save gut long astingting bilong dispela kontrak bilong yu wantaim ol.
Toksave:
- Sapos kismas bilong yu em 18 o aninit yu mas kisim tok orait long papa na mama o husat lukautim yu.
- Mani ol salim bai go stret long skul akaun bilong yu.
Ol taim bilong HELP aplikesen
Ol Dekleresen fom we ol bai givim long ol husat sumatin i laikim:
Janueri – Epril
- Bai ol kisim ol deklaresen fom long May
- Mekim SDO akaun
- SDO bai strongim infomesen bilong sumatin
May
- Ol bai kamapim HELP dinau aplikesen
- Mekim SDO akaun
- SDO bai strongim infomesen bilong sumatin
Jun
- Ol sumatin bai kisim tok orait long SDO
- Ol sumatin bai aplai long HELP
- Namba wan peimen bilong semesta wan
UPNG Jenelis Sumatin Martina Takaneng i raitim
wantokniuspepa.com