KAPUNA haus sik long Kikori rijon  insait long Galf provins i kisim 100kw sola sistem we em i givim pawa i go long haus sik.

Dispela nupela 375 sola penel em i wanpela bilong ol sampela senis bilong haus sik kit we PNG-Australia Patnasip Insentiv Fand i bung wantaim Galp Kristen Sevis long Kapuna.

Ol nupela senis wantaim dispela projek i mekim isi wok insait long ples bilong haus sik olsem hap bilong sekim tit, hap bilong stretim sua o bun bruk, hap bilong karim bebi na hap bilong katim man na tu ol bai surukim haus sik go bikpela yet.

Dispela K10 milen projek i mekim na haus sik i lukautim gut ol sik manmeril bilong Purari Delta rijon na i no olsem bipo na tu em i klostu bungim Nesenel Helt Sevis Standet bilong bikpela haus sik.

Sola eneji penels em i wanpela bikpela prosek na  Krismas presen bilong ol 35, 000 pipel husat i kisim pastaim bipo lo Krismas long yusim haus sik olgeta taim.

PNG-Australia Patnasip i amamas long wok bung wantaim Galp Kristen Sevis bilong wanem dispela projek i no gat bagarap long envairomen na tu em bai apim helt insait long rijon na mekim moa mani bilong putim go bek long givim sevis long Komyuniti.

Student bilong UPNG Martina Takaneng i raitim