POT Mosbi Jenerel haus sik na ANGAU Memorial haus sik i kisim wan wan masin ol i kolim “Advanced Paediatric Life Support” (APLS) kit. Ol i kisim dispela tupelo APLS long Tuned 8 Desemba 2020.

Dispela APLS  bai helpim ol wok manmeri bilong haus sik long kisim trening bilong helpim ol sikman. Dispela trening program em i bin kamap long helpim  ANGAU Memorial  Haus sik, Pot Mosbi Jeneral Haus sik na Yunivesti bilong Papua Niugini. Sapot bilong dispela program i kam long Australia Papua Niugini Patnasip Program na wantaim helpim bilong Royal Australia Kolis bilong Sejen.

Mak olsem 47 haus sik wok manmeri bilong helpim ol pikinini i kisim trening long dispela program. Ol haus sik wok manmeri bilong ANGAU, Pot Mosbi Jeneral Haus sik, Yunivesiti bilong Papua Niugini Skul bilong Helt na Marasin, Gerhu Haus sik na sampela wan wan haus sik insait long Sentral Provins.

Dispela tupela  APLS kit masin i bai helpim tupela haus sik long trenim ol wok man na skul sumatin bilong marasin  insait long haus sik yet.

APSL  em i wanpela protokol ol i save yusim long olgeta hap bilong wol. Ol i mekim dispela long helpim ol pikinini long taim pikinini i sik nogut tru long wanpela nupela sik.

Long ANGAU Memorial Haus sik, bosman Dokta Kipa Binga na mausman David Wissik i kisim dispela masin long Gavman bilong Australia ekting kaunsila bilong Helt Elise Newton.

 Namba wan helt sekreteri bilong mausman bilong Australia long Papua Niugini Chris Graham i givim dispela masin i go long DaIrekta bilong Hausik Sevis  Dokta Koni Sobi bilong Pot Mosbi Jeneal Haus sik.

UPNG Journalism Student Samantha Solomon i raitim