Seketeri bilong edukesin tasol i gat rait long givim tok orait long statim nupela skul.

Sekreteri bilong edukesin Dokta Uke Kombra i tokim ol provinsel edukesin edvaisa, ol skul inspekta, ol ejensi, ol prinsipel na ol stekholda long bihainim minimum stendet long askim long kamapim nupela skul long provins.

Pasin bilong sakim tok na sotkat long rejistarim skul i mekim na planti ol nupela skul i bungim sampela ol hevi olsem; ol skul i no redi long stat, ol tisa i no kisim tok orait long tis, na ol skul i no bungim minimum standet, Dokta Kombra i tok.

Em i tok ol skul husat i laik rejista long nupela skul i mas raitim pas i go long siaman bilong opis bilong seketeri.

Dispela pas i mas gat; minit bilong provisel edukesen bod, piksa bilong provinsel edukesin plen na piksa bilong soim olsem skul i redi.

Long statim nupela skul em i mas bungim minimum stendet insait long Nesenel Skul standet bilong 2018.

Student bilong UPNG Martina Takaneng i raitim