United Nations Development Programme (UNDP) i  bin givim ripot bilong  2020 wok ol i  bin wokim long  16 bilong Desemba.

Dispela ripot  i save kam aut  long olgeta  yia we ol UNDP maus man i save givim long olgeta hap bilong wol we opis bilong ol i stap long en.

Deputi bilong UNPD long Papua Niugini Mr. Edward Vrkic i tok olsem dispela ripot i toktok  long sampela samting  long sait bilong ol sevis na sosel samting we Papua Niugini i gat na sampela samting we nogat long em. Sampela hap kantri i gat inap ol samting long wanpela hap eria olsem helt na sampela eria em ol i nogat  olsem ol  kaikai bilong wan wan de.

 Dispela  ripot i soim ol divelopmen bilong ol man na meri long amas krismas ol i stap long dipela graun na helt bilong ol na tu edukesen bilong ol na ol narapela eria long laip tu. Em i namba 30 ripot ol UNDP i givim. Ol i bin stat lo yia 1990 kam inap long nau na ol bai stap yet long 2021 i go olsem.

Het tok bilong dispela ripot long 2020 i olsem “The next Frontier Human Development and the Anthropocene.

Ripot bilong dispela yia 2020 i tok moa long  wanem rot bai yumi ken bihainim l long stretim ol sevis olsem helt,edukesen na ol arapela samting i no stret.

1. Vrkic i tok “Papua Niugini i stap namba 155 ples namel long 189 kantri long divelopmen bilong man na meri.”  Wanpela gutpela samting i kamap long kantri Papua Niugini i olsem krismas bilong ol man na meri long stap long dispela graun i go antap lo 80 krismas. Bipo i no olsem, ol man na meri i save dai long krismas 65 na i go olsem.

Dispela  i soim olsem planti samting i senis tasol sampela hap nid  long senis.

 Dispeala repot tui  toktok long ol samting ol man na meri wokim long bagarapim envaironmen bilong yumi.

Maus man bilong UNDP long Papua Niugini Mr. Dirk Wagener  i tok “ol manmeri i wok lo mekim long bagarpim envaironmen bilong yumi em i tru na yumi no inap long tok  em i giaman.”

Mr. Wagener i tok moa olsem yumi mas traim long painim out as tingting bilong dispel bagarap i wok long kamap long environmen bilong yumi.

 Ol bagarap long enviromen i wok long kamapim ol samting olsem graun guria, ais i wok long kamap wara na go bikpela na i karamapim graun. Dispela ol samting i bai kamapim hevi long bihain taim.

Deputi maus man bilong UNDP Mr. Vrkic i tok dispela  i gat narapela rot is tap we yumi inap long mekim ol samting long divelopim kantri bilong yumi long lukautim envaronmen o nogat.

UPNG Journalism Student Samantha Solomon i raitim