LONG Fraide, 20 Novemba 2020, liklik pikinini, nem bilong Cecilia, em wanpela tasol i pinisim skul na
greduet long prep skul level long Waigani Heigths Early Learning School long Pot Mosbi. I nogat
narapela sumatin i greduet wantaim em. Em wanpela tasol.

Dispela yia bikpela hevi bilong COVID-19 i mekim na ol papamama i pasim ol pikinini long go long
skul. Tasol liklik Sisi i strong long go skul na papamama bilong em i nogat tok. Ol i orait tasol long
“Die Hard” sumatin, Sisi. Na em i kisim sertifiket bilong pinisim skul na setrifiket bilong top sumatin.
Sisi i soim bikpela laik bilong em long kisim save olsem na tisa bilong em, Misis Anivai, em tu i givim
taim bilong em na skulim dispela wanpela pikinini. Misis Anivai em tu i olsem wanpela “Die Hard”
tisa.
Long dispela de, olgeta manmeri, husat i sambai long edukesen bilong Sisi i kam bung long Waigani
Heigths Early Learning School, na witnesim greduesen bilong em. Nau Sisi i redi long statim gret 1
bilong em.
Maski wanem hevi em bai winim olgeta samting, wankain olsem em i winim hevi bilong COVID-19.
Em i save olsem em i mas wasim hap olgeta taim, em i no ken sekan, em i givim hanskru tasol, stap
longwe long narapela em i isi bikos i nogat narapela sumatin.
Liklik Sisi, tisa Misis Anivai, papa Daniel na mama Eva i soim samting tru long ol narapela i ken
bihainim. Hatwok na strongpela laik long kisim save i save karim gutpela kaikai.

….Ends///