GIVIM strong long ol meri long win long laip i stat wantaim edukesen. Na ol yangpela meri husat i win long skul i long 2020 long Dirima Mary Immaculate Girls Technical Secondary School (MIGTSS) i bin bilas wantaim kala na amamas long kisim luksave namel long ol tisa na wan skul bilong ol.

Taim ol i wokabaut i go antap long kisim daks prais na rana ap prais ol em i taim we ol i kisim moa strong long mekim gut moa long skul bilong ol.

Dispela e mi bin namba wan greduesen bilong ol gret 12 sumatin na namba faiv na las greduesen bilong ol gret 10.

Regina Wenambo bilong Sinasina Yongomugl distrik long Simbu i bin win daks long sains. Ples bilong e mi stap 50 kilomita longwe long skul.

Narapela yangpela meri Chan Elis i winim daks long humanity.

Rana ap long gret 12 saiens em Sipu Zena wanpela yangpela meri husat i kam long Atonomus Rijon bilong Bogenvil na Dima Sandy na Samuel Turner i bin kisim rana ap prais long Humanity.

Pilga Ann-Mala i pinisim gret 10 wantaim stail. Em i rekim ol prais long ol akemdik sabjek bilong em na winim daks awot. Moa yet e mi winim lidasip awot bilong skul long 2020.

Narapela tupela yangpela em Bomai Malian a Bilge Rosulla husat i winim rana ap prais long gret 10.

Ol komyuniti lida na Peris Pris Peter Kim it ok amamas long ol yangpela na strongim ol long lukautim ol yet na i no ken pundaun long ol salens bilong laip na bihainim gutpela Kristen pasin.

Stori i kam long Wright Media