TAIM em i bin go sanap long Yunaitet Nesen bung long Morocco sampela yia i go pinis, Ipul Powaseu i bin pilim amamas long rot em i bin kam long en.

Long liklik taim bilong em long ples bilong em long Manus, Ipul nau i tokaut long olgeta bikpela lain long olgeta hap bilong wol long disabiliti inklusiv long Papua Niugini na Pasifik.

Dispela rot bilong rimot ailan komyuniti i go long intenesenel mak, i luk olsem bikpela driman bilong planti pipel.Tasol Ipul Powaseu em i no dispela kain pipel.

Bihain long em i kisim sik polio taim em i bebi, em i bin daunim fisikol na sosol hevi na pinisim praimeri na sekenderi edukesen bilong em na go long kisim Bachelor na Masta Digri bilong em. Em i bin kisim skolasip i kam long PNG-Australia Patanasip.

Ipul i bin mekim em yet olsem wanpela egrikalsarel saintis long PNG. Taim em i go het long wok bilong em, em i holim namba bilong disabiliti na i save makim ol wok bilong ol long intenesenel konprens olsem wanpela i bin kamap long Morocco long 2016.

Dispela em wanpela bilong ol lidasip wok olsem presiden bilong PNG peak disabiliti inklusiv bodi, ol PNG Asembli bilong Disabiliti Persons na Ipul i bin luksave olsem em inap go moa long dispela wok.

“Mi bin tingting olsem maus bilong dispela wok, mi mas save moa long teknikol sait bilong disabiliti,” em i tok.

 “Mi laik skelim gut ol sosel polisi long PNG na lukim wanem hap dispela ol hevi i stap na wanem kain rot bai mipela ol pipel wantaim disabiliti i ken sapotim long mekim senis na tokaut moa long dispela. Dispela i wok i bin mekim mi long putim aplikesen bilong PhD.”

Nau, Ipul em pinisim doktret bilong em long disabiliti inklusiv polisi long PNG, we em i bin kisim olsem Australia Awot skola long Deakin University, Melbourne.